A madeira pode ser unha excelente materia prima para reducir o consumo de plásticos. Gran parte dos obxectos que utilizamos na nosa vida cotiá son, agora, de plástico, que conseguiu substituír con éxito a outros materiais máis tradicionais. Podemos utilizar bolsas de papel como substituto das bolsas de plástico; podemos empregar utensilios de cociña de madeira; tamén cepillos de dentes de bambú; os xoguetes de madeira están a converterse en tendencia e ata a construción incrementou o uso da madeira como material básico de construción.