Nesta sesión en liña analizaranse as oportunidades e aplicacións que a tecnoloxía  fotónica ofrece á industria dos alimentos e as bebidas, así como as innovacións que marcarán as tendencias de futuro.

Para iso, o  webinar contará coa participación de Hugo  Montoiro, director de márketing en  Foos Iberia, quen abordará as aplicacións das tecnoloxías  NIR e  FTIR na industria alimentaria, e Raúl Jorge, enxeñeiro experto en aplicacións industriais en  Mesurex, que tratará a análise de calidade dos alimentos mediante  hiperespectroscopia.

Ademais, a xornada contará cunha mesa redonda na que se tratarán as aplicacións do láser en procesos alimentarios, a análise de imaxe e  colorimetría na industria alimentaria e as novas aplicacións da tecnoloxía  hiperespectral. Nela participarán  Patxu  Larumbe,  CEO en  Coccus, Mª Eugenia Martín,  CEO en  ColorSensing, e Rodrigo  G. Reboredo, técnico investigador especialista en  espectroscopia en  AFACO  CECOPESCA.