Cando falamos de Realidade Virtual véñennos á mente complexos e custosos equipos como lentes ou sistemas de posicionamento que teremos que adquirir para gozala. Neste taller aprenderemos que cunhas simples lentes de tarxeta ideadas por Google e o noso  smartphone, poderemos gozar de nosas propias simulacións de Realidade Virtual cun investimento mínimo.

Comezaremos a instalar e configurar a librería de Google  Cardboard para  Unity e explicaremos as características desta librería e as súas peculiaridades.

Posteriormente veremos como interactuar coa simulación usando soamente nosa vista. Veremos como instalar no noso dispositivo Android a aplicación Google  Cardboard e a facer a configuración para o noso visor.

Por último xeraremos a aplicación para visualizala en calquera dispositivo Android.