Máis aló da evidente utilidade das aplicacións de formación por medio de Realidade Virtual ( RV); máis aló de secuencias sinxelas de mantemento virtual de equipos e instalacións por medio de Realidade Aumentada ( RA); coñecida a utilidade dos catálogos de produto con  RA, e das feiras e outros certames con avatares virtuais que se impuxeron durante a pandemia, desde o CIS Tecnoloxía e Deseño queremos mostrar que utilidade teñen estas tecnoloxías nos procesos de deseño e fabricación, tanto no estado actual da tecnoloxía como nun previsible futuro inmediato.

Para iso mostraremos casos reais que se desenvolveron coas tecnoloxías de  RV e  RA e que van un paso máis aló, permitindo mellorar procesos industriais e axudando así a que as empresas que os utilizan poidan ser máis competitivas, e afronten en mellores condicións un mercado cada vez máis global.

Poderemos ver exemplos avanzados de uso no sector naval, no do automóbil ou o enerxético e poderemos  extrapolar estas experiencias a outros sectores produtivos de Galicia.

Programa e inscrición dispoñibles nesta ligazón: https://www.cistecnoloxiaedeseno.gal/evento/utilidades-avanzadas-da-realidade-virtual-e-aumentada-en-deseno-e-fabricacion/