Dende a Fundación Paideia Galiza en colaboración coa Escuela de Organización industrial, a Deputación de A Corña e o Concello de Santiago de Compostela poñemos en marcha unha nova edición do programa Márketing Dixital e Cooperativismo, que dará comezo en febreiro. Este programa é unha gran oportunidade de incorporación ao mercado laboral para mozas e mozos entre 16 e 29 anos, xa que poderán adquirir todos os coñecementos para crear unha cooperativa de servizos de Márketing Dixital, aprender dos/das mellores profesionais e coñecer os casos reais de éxito.

A participación neste programa formativo é totalmente gratuíta e contará con recoñecidos/as profesionais do márketing dixital e do traballo cooperativo, referentes tanto a nivel galego como nacional. As clases grupais levaranse a cabo de modo presencial e se realizarán titorías individualizadas e grupais para o desenvolvemento de proxectos de cooperativismo no sector do márketing dixital. Ademais, as/os participantes contarán co asesoramento da consultora Ernst & Young para o desenvolvemento dos seus proxectos cooperativistas.

 Ademais, as persoas participantes poderán optar a un premio de ata 60.000€ ao mellor proxecto, co obxectivo de financiar o primeiro ano da posta en marcha do  seu proxecto.