Premios do Comercio Compostelán 2012

O comercio compostelán é un dos principais motores da cidade, non so no económico senón tamén no social. A innovación do sector, así como a súa mestura ca tradición convérteo en moitos casos, nun exemplo de excelencia empresarial. Con estes galardóns, convocados polo Concello de Santiago, trátase de homenaxear os comerciantes que destaquen fronte os seus negocios e sexan referencia de boas prácticas a nivel comercial.

Os premios Comercio de Barrio e Comercio Agarimo levaranse a votación popular, de forma que sexan os propios composteláns, seguindo o seu criterio como clientes, os que decidan libremente qué comerciantes son merecedores do galardón nestas dúas categorías. Os premios Comercio 2.0, Comercio innovación, Comercio Emprega e Comercio Veterano serán elixidos por un xurado composto por representantes do Concello, as Asociacións Comerciais, a Cámara de Comercio, a Asociación de Consumidores e o Mercado de Abastos.

Na votación popuular indica os datos do comercio ao que queres votar e o teu correo electrónico (só se admitirá un voto por correo electrónico en cada categoría de votación popular).

Poderán ser candidatos todos os establecementos comerciais polo miúdo de Compostela.

Os comercios poderán optar a unha ou varias das seguintes categorías de premios.

Comercio de Barrio
Comercios que destaquen pola súa cercanía nos barrios e por prestar ese valor engadido de proximidade e trato persoalizado nas compras cotiás. Os gañadores nesta categoría elixiranse por votación popular.

Aspectos valorados:

Compromiso e participación nas actividades sociais e veciñais
Trato familiar cos clientes

Comercio Agarimo
Comercios salientables pola súa esmerada atención ao cliente e servizo post-venda. Os gañadores nesta categoría elixiranse por votación popular.

Aspectos valorados:

Amabilidade no trato ao público
Asesoramento persoalizado nas compras
Satisfacción do cliente
Servizo post-venda

Comercio 2.0
Comercios que incorporen as novas tecnoloxías tanto no seu funcionamento diario como na relación cos seus clientes.

Aspectos valorados:

Uso de plataformas de comercio online
Emprego das redes sociais como canle de comunicación co seu público
Xestión administrativa mediante uso de sinatura electrónica, factura electrónica...

Comercio Innovación
Comercios que trae a innovación aos seus sectores, tanto pola calidade visual dos establecementos como polos produtos ofertados.

Aspectos valorados:

Deseño interior e exterior do establecemento
Oferta innovadora dos produtos e servizos
Valor engadido na presentación de produto (packaging, novos conceptos de comercialización...)

Comercio Emprega
Comercios con capacidade de creación de emprego directo e/ou que procuran a conciliación familiar e laboral dos seus empregados.

Aspectos valorados:

Número de postos de traballo creados
Políticas de conciliación laboral-familiar
Antigüidade dos traballadores

Comercio Veterano
Pequenos comercios familiares que desempeñan o seu labor dende fai anos, demostrando a súa capacidade de permanencia e adaptación aos novos tempos.

Aspectos valorados:

Antigüidade
Explotación familiar do negocio, sen traspasos

A data tope para a presentación de candidaturas será o 9 de abril.

Enlaces

Bases dos premios