LABORATORIO DE PROTOTIPADO EMPRESARIAL
Se es unha persoa emprendedora e estás a piques de abrir a túa empresa, antes de arriscar os teus cartos no mercado proba a simular a túa idea empresarial connosco neste LABORATORIO de 12 días de incubación. Serán 12 días nos que escoitarás falar de experiencias de talento, de éxitos e de fracasos, de habilidades básicas para o emprendemento... Pero ademáis serán 12 días nos que poderás compartir inquedanzas e rutinas próximas á realidade das persoas emprendedoras.
Cada día seguiremos o seguinte esquema de traballo:
- De 10:00h a 11:00h veremos exemplos de talento/fracaso nun Observatorio que quere converterse nunha auténtica enciclopedia de experiencias e casos a imitar ou evitar.
- De 11:00h a 12:00 desenvolveremos un Laboratorio teórico-práctico de Habilidades Emprendedoras, traballando cada día unha habilidade diferente.
- De 12:00h a 12:30h coordinaremos unha sesión de networking empresarial entre todas as persoas emprendedoras
- De 12:30h a 13:15h traballaremos un perfil de desenvolvemento emprendedor.
- De 13:15 a 14:00h e para rematar cada xornada realizaremos unha rutina de roll ou "gamestorming" grupal
Serán pois 12 días con 48 horas de capacitación en emprendemento diferentes, dinámicas e proactivas.
Unha experiencia única e inesquecible para 12 persoas emprendedras de Santiago Norte.
Este laboratorio forma parte das accións que a Concellaría de Economía, Emprego, Comercio, Turismo e Mercados convoca, no marco do programa Urbana Santiago Norte, proxecto cofinanciado polo Fondo Europeo de Desenvolvemento Rexional (FEDER).