Este novo instrumento,enmarcado na Rede de Cooperación Local, configúrase como un espazo interactivo e promocional que completa e, á vez complementa, os servizos e espazos que ofrece o edificio Cersia-Empresa ao tecido empresarial compostelá.

Que lles ofrecemos ás empresas e institucións?

• Unha nova ferramenta gratuíta para a promoción e defusión das súas actividades, vía web e vía Facebook.
• Colaboración activa na organización destas actividades. 
• Un espazo onde coñecer o que outras empresas e institucións do ámbito de Santiago de Compostela están facendo en cada momento.

Que lles pedimos ás empresas e institucións?

• Que nos fagan chegar as súas peticións de colaboración nos modelos e formatos establecidos cun mínimo de  1 semana de antelación á celebración do seu evento vía correo electrónico á dirección redecooperacionlocal@santiagodecompostela.org. Cando a colaboración requira habilitación de formularios de inscrición,  a antelación referirase a data de inicio do periodo de inscrición.
• Información sobre os resultados obtidos en cada evento.Todos os eventos que cheguen baixo este formato estarán identificados como Rede de Cooperación Local, ademáis da clasificación pola lóxica do evento: concursos, convocatorias, eventos, curso…

Os co-organizados ou patrocinados pola Oficina de Promoción Económica diferenciaranse dos outros mediante a inclusión dunha cláusula legal ao respecto. Identificaranse claramente aquelas actividades que supoñan un custe para as persoas participantes.

Poderase engadir material promocional a maiores cun tamaño máximo por documento de 1,99 MB