BASES DA CONVOCATORIA:

1. Obxecto do sorteo: O obxecto do presente sorteo é un curso de Business Strategy online de 70 horas impartido pola empresa Asmarmind dirixido a aquelas persoas que queiran deseñar o seu proxecto empresarial, empregándoo para definir o seu modelo de actuación e a súa relación cos seus stakeholders no que se tratarán os seguintes contidos: O modelo de negocio como organización de crea, entrega e captura valor. Crear e visualizar os fundamentos da túa empresa; As cuestiósn clave: segmentos, propostas de valor, canais, relación coa clientela, fontes de ingresos, recursos clave, actividades clave, socios e custos; Fórmula CANVAS e Lean startup de modelo de negocio viable e escalable e Análise de negocios disruptivos.
   
2. Participantes:Poderán participar neste sorteo todas as persoas emprendedoras ou traballadores en activo, cuxo proxecto empresarial esté domiciliado social e fiscalmente no Concello de Santiago e fose creado con posterioridade ao 30 de abril de 2011.
3. Inscrición: Para participar no sorteo as persoas interesadas deben remitir un correo electrónico á dirección sae@santiagodecompostela.org indicando os seguintes datos persoais: nome, DNI, enderezo, correo electrónico e teléfono de contacto adxuntando o mesmo unha descripción do seu proxecto empresarial e alta en facenda do mesmo antes do día 23 de maio as 14:00h.Unha vez verificados os requisitos especificados no punto 2º destas bases e rematado o período de inscrición publicarase un listado motivado de admisións e exclusións para o sorteo na web www.cersiaempresa.org . Establecerase un prazo de dous días hábiles a contar dende o día seguinte á publicación do listado para efectuar reclamacións ao mesmo.Unha vez resoltas as reclamacións se as houbese, publicarase o listado definitivo de participantes no sorte na web www.cersiaempresa.org
4. Sorteo:  O sorteo realizarase o 27 de maio de 2014 ás 12:00h no CERSIA Empresa de xeito público. Cada inscrición terá asignado un número en función da súa orde de recepción. No sorteo ademais de extraerse un número correspondente a unha persoa gañadora, seleccionaranse cinco números máis correspondentes a cinco persoas suplentes.
5. Comunicación á persoa gañadora: A comunicación á persoa gañadora realizarase por correo electrónico, sendo precisa confirmación de ter recibido este nun prazo non superior á tres días. De non obterse resposta pasarase ao suplente 1, tamén comunicándoo por correo electrónico e dando tres días para confirmación de recepción; e así sucesivamente co resto de suplentes.
6. A Concellaría de Economía queda facultada para resolver as posibles eventualidades que poidan xurdir no desenvolvemento deste sorteo e que non estean previstas nestas bases.
7. A participación no presente sorteo implica de acordo cos artigos 5 e 6 da Lei Orgánica 15/1999, do 13 de decembro, de protección de datos de carácter persoal,que a persoa participante CONSINTE EXPRESAMENTE que os seus datos de carácter persoal, facilitados á Entidade CONCELLO DE SANTIAGO DE COMPOSTELA no marco dos Programas de Promoción Económica, sexan incorporados a un ficheiro, inscrito por esa Entidade na AEPD, coa finalidade de xestionar a relación cos participantes en accións de promoción económica e realizar un seguimento e control da súa actividade empresarial, e sexan así mesmo cedidos á Consellería de Traballo e Benestar e ao C. E. E. I. Galicia S.A. (BIC Galicia) coa mesma finalidade. As persoas participantes poden exercitar os seus dereitos de acceso, rectificación, cancelación e oposición en calquera momento mediante escrito, acompañado de copia de documento oficial que as identifique, dirixido a CONCELLO DE SANTIAGO DE COMPOSTELA, no enderezo Pazo de Raxoi. Praza do Obradoiro. 15705 Santiago de Compostela A CORUÑA
8. Unha vez posta en contacto a persoa gañadora e a entidade que imparte a formación, a Concellaría de Economía non se responsabilizará de ningún aspecto relacionado coa xestión, impartición ou execución do plan formativo en cuestión.
9. A presentación dunha inscrición implica a aceptación das presentes bases.