Esta cooperativa ofrece servizos financeiros éticos e solidarios para reforzar e promover iniciativas de transformación social. O cooperativismo, a democracia interna, a auto organización e a participación son valores que traspasan a actividade da entidade, sendo o xérmolo da súa estrutura.
O ciclo de Encontros Emprendedores celebra a súa penúltima xuntanza o martes 17 de outubro, ás 10h, no Espazo Galego da Creatividade. Do mesmo xeito que en anteriores citas, o Encontro Emprendedor enmárcarase nunha experiencia empresarial que pon en práctica o eixo da gobernanza, tanto na súa estrutura como na actividade que desenvolve.
Esta nova cita centrarase na vivenda, unha temática central na vida das persoas que é necesario repensar. Dada a amplitude e o interese social que xera este tema, esta sesión contará coa participación de Nieves Rodríguez, da asociación Larlilás, organización autoxestionada que ten o obxectivo de materializar un proxecto de vivenda comunitaria na vellez, e de Iago Lestegás, concelleiro de Urbanismo e experto en vivenda e en calidade de vida nas ciudades tendo en conta o impacto do turismo.
Pasado o ecuador do ciclo, o Encontro Emprendedor de xullo centrarase no eixo da Economía Urbana. Así, porase o foco nas conexións que existen entre iniciativas emprendedoras recoñecidas na cidade, que destacan pola súa capacidade de cooperación e reforzo ao sector primario compostelán, en concreto, as iniciativas gastronómicas e de restauración vinculadas ao produto de proximidade na Praza de Abastos.
Durante o encontro debatimos sobre o emprendemento das mulleres, identificando dende a perspectiva de xénero aqueles obstáculos que dificultan a posta en marcha de iniciativas empresariais, así como as potencialidades no territorio para o apoio ao emprendemento. Así mesmo, púxose en valor o talento das mulleres como peza fundamental en proxectos de innovación, e a presenza feminina nas empresas de economía social.
A celebración destes Encontros persegue dous obxectivos principais: por unha banda, dar a coñecer o Plan de Acción da Axenda Urbana 2030; e por outra, establecer un espazo de encontro, diálogo e debate entre experiencias inspiradoras que motiven ás persoas asistentes a xerar iniciativas económicas arredor dos valores dos Obxectivos de Desenvolvemento Sostible.
A celebración destes Encontros persegue dous obxectivos principais: por unha banda, dar a coñecer o Plan de Acción da Axenda Urbana 2030; e por outra, establecer un espazo de encontro, diálogo e debate entre experiencias inspiradoras que motiven ás persoas asistentes a xerar iniciativas económicas arredor dos valores dos Obxectivos de Desenvolvemento Sostible.
A xornada estará protagonizada por Miguel Pardellas Santiago, de Feitoría Verde. Esta cooperativa conta cunha extensa traxectoria promovendo proxectos participativos arredor da educación e o coidado ambiental. Neste senso, o testemuño de Pardellas servirá como exemplo de contribución á loita contra o cambio climático e a resiliencia, poñendo o foco na acción comunitaria para o coidado da contorna de Compostela.
Neste encontro emprendedor debatiranse os retos que aborda Compostela cara ao futuro, poñendo o foco na participación cidadá na definición do modelo de cidade. Nesta ocasión, participarán no encontro Mercedes Vázquez Bartomeu, historiadora e veciña do barrio de San Pedro, e Luciano González Alfaya, arquitecto e planificador de estratexias territoriais para a transformación urbana sostible. As persoas asistentes ao encontro poderán compartir reflexións e ideas que enmarquen os elementos tractores do modelo de cidade.
O mes de marzo terá lugar o segundo encontro emprendedor, que centrará o debate sobre o modelo de cidade do futuro. No proceso de elaboración da Axenda Urbana 2030 identificáronse cuestións que definen cal é actualmente o modelo de cidade, en referencia á distribución da poboación no territorio, os equipamentos e servizos disponibles, e os espazos de oportunidade para a transformación urbana na cidade.