Mentres na gandería industrial as deposicións dos animais son un problema difícil de xestionar, na leira é o ingrediente máxico para devolver fertilidade á terra. Mentres nunha cidade prodúcese unha cantidade inxente de malgasto alimentario, gran parte do cal acaba en vertedoiros, os lixos dun fogar campesiño alimentan ao gando ou, ben compactadas, enriquecerán o chan onde crecerán as verduras no próximo ciclo agrario.