Esta mañá, no CERSIA Empresa, tivo lugar a primeira xornada participativa do proceso de codeseño do Plan de Acción para a Economía Social nos Barrios de Compostela, unha iniciativa impulsada polo Concello de Santiago a través da Concellaría de Dereitos e Servizos Sociais, Promoción Económica e Xuventude. A sesión contou coa presenza da concelleira María Rozas e reuniu a unha ampla representación do ecosistema de economía social da cidade.

"Saber Facer Barrio 2024" comezará a súa andaina o próximo martes en Conxo, e ao longo dos meses de outubro e novembro pasará polos centros socioculturais de Vite, O Romaño, Fontiñas, A Trisca, Santa Marta, Ensache, Figueiras e Maruxa e Coralia da zona histórica.

A campaña comezou o 6 de xullo e remata hora tras realizar accións de rúa en espazos emblemáticos da cidade como a praza do Obradoiro, Carretas, a Alameda ou a praza de Cervantes. Colocouse unha estrutura, cunha cama no seu interior, e cos vinilos coa información da campaña que chamou a atención de turistas e residentes sobre a problemática asociada ao fenómeno dos apartamentos turísticos ilegais.

A través deste proxecto, seis grupos de alumnas e alumnos da materia de Desenvolvemento Rexional e Desenvolvemento Local de terceiro curso do Grao en Economía, que imparten Manuel González e Carmela Sánchez, realizaron unha análise socieconómica dos barrios e parroquias de Conxo, Sar, Lavacolla, Laraño, Pontepedriña e Fontiñas.