En total, o xurado concede tres premios: primeiro, segundo e terceiro, dotados con tres mil, dous mil e mil euros, respectivamente; un premio ao Escaparate sostible de mil euros; e tamén pode conceder, se o considera oportuno, dous accesits de 500 euros cada un. Os premios outorgados mediante votación do público a través da páxina de Facebook do departamento de comercio, son dous: o primeiro, dotado con 2.000 euros e o segundo con mil euros.

O prazo para a solicitude abrirase a semana que vén, nun día aínda por pechar, e rematará o 15 de decembro. As axudas terán unha contía mínima de 1.000 euros e máxima de 3.000 e outorgaranse por orde de entrada da solicitude no rexistro. Poderán acollerse todos os comercios que acrediten unha baixada de vendas igual ou superior ao 20% entre o 1 de xaneiro e o 30 de setembro de 2020, que se realizará, en primeiro lugar, cunha declaración responsable a achegar coa solicitude e que será comprobada, con posterioridade, polo Concello.

Durante as cinco quendas, composteláns/ás e visitantes terán a posibilidade de coñecer as creacións de 70 expositores de decoración propia da época, alimentación gourmet e artesanía (xoias, madeira, cerámica, vidro, coiro, xoguetes, téxtil, regalo orixinal, deseño...). A rúa e as casetas contarán cunha decoración coidada e ambientación musical, que transportarán o público á maxia do Nadal.

Na apertura do foro, o rexedor compostelán lembrou o xérmolo do actual Talentia, a Feira de Empego, nacida hai xa 10 anos pero que nos últimos tres, xa baixo a marca actual, experimentou unha importante mudanza "cunha aposta decidida pola innovación e o talento". E ampliou o radio de acción: de ser un evento centrado en Santiago pasou a converterse nunha feira de referencia no ámbito galego e no nacional. "Só o 10% dos participantes nas últimas edición foron de Compostela", engadiu.

Son en total 88 empresas que percibirán, en conxunto, 138.333,84 euros repartidos en tres liñas de subvencións:

Liña A. Axudas para investimentos na adecuación física dos locais, TICs e innovación: 70.508,44 euros.

Liña B. Gastos de comunicación, realizada en lingua galega e/ou noutros idiomas que contribúan a unha mellor atención da clientela turística recibida no establecemento: 20.978,84 euros.

Liña C. Outros gastos correntes xerados na adecuación dos negocios necesarios por mor da COVID-19: 46.846,56 euros.

Santiago de Compostela foi un dos primeiros concellos galegos adheridos á iniciativa da Comisión Europea denominada Pacto das alcaldías contra o cambio climático. Antes de rematar o 2020, o Concello propúxose renovar o seu compromiso coa mitigación do cambio climático, e é por iso que agora o Pleno aproba este plan de acción, que ten como obxectivo diminuír en máis dun 40% as emisións de gases de efecto invernadoiro de aquí a 2030.

O manifesto, consensuado entre todos os grupos políticos con representación no Concello de Santiago, remataba co compromiso da Corporación Municipal na promoción de medidas a favor dunha igualdade real e efectiva, "actualizando estudos sobre a situación das violencias de xénero, desenvolvendo políticas en materia de igualdade no ámbito preventivo e educativo, achegando recursos económicos, e impulsando campañas que traballen pola erradicación das violencias de xénero co fin de situar esta problemática no centro da axenda política local".

Presentaron o proxecto o concelleiro de Turismo, Sindo Guinarte; o director de Novas Liñas de Negocio de Televés, Iván Rodríguez; o director de I+D+I da citada empresa, Sebastián Pantoja; e Patricia Sanmartín Sánchez, investigadora do Grupo de Estudos Medioambientais Aplicados ao Patrimonio natural e cultural (GEMAP), da USC; baixo o lema "Aforramos en luz, gañamos en arte".

As axencias públicas de desenvolvemento, como o resto da sociedade, tiveron que adaptar a súa forma de traballo e as súas estratexias debido á actual situación co fin de seguir contribuíndo ao desenvolvemento nas súas respectivas zonas de influencia. É por iso que a Axencia de Desenvolvemento de Ejea de los Caballeros, SOFEJEA, organizou unha xornada de ámbito nacional para debater sobre "as axencias de desenvolvemento ante o desafío transformador da COVID 19".

"O obxectivo é sensibilizar a toda a cidadanía e a outros sectores da cidade do difícil momento que atravesa a cultura, facela consciente da importancia estratéxica da cultura para o presente e futuro de Compostela, e tomar conciencia de que cada un/unha de nós pode axudar recoñecendo a riqueza e diversidade artística e consumindo os produtos e servizos culturais que se ofrecen na cidade", explicou a concelleira.