Estas tres liñas de actuación son o sistema intelixente de recollida e tratamento de residuos (RSU), iluminación ornamental led biocida (Cromalux) e mobilidade (sistema de mobilidade Smart). Tres eixos cos que se vai definir a estratexia de mobilidade a cidade, así como racionalizar os servizos de loxística de última milla na zona monumental; definir un novo modelo descentralizado de recollida e tratamento de fracción orgánica; e aumentar o valor do patrimonio histórico combinando os principios do aforro enerxético e a conservación do patrimonio.

Os días 29 e 30 de outubro celébrouse a Feira expositiva coa presentación de empresas dirixidas por emprendedoras da comarca de Compostela. Estivo aberta ao público no Claustro de Fonseca co fin de visibilizar os produtos e servizos creados por entidades innovadoras e que achegan un valor engadido no Concello de Santiago.

O programa completo da Feira, que chega neste 2021 á súa terceira edición, foi presentado en rolda de prensa polo alcalde de Santiago, Xosé Sánchez Bugallo; pola vicerreitora de Igualdade, Cultura e Servizos da USC, Mar Lorenzo; e pola técnica da USC Eva López.

O Programa #OlympeEmprende liderado por Tandem Social, Abeluria e Wazo Coop é unha iniciativa que apoiará o emprendemento feminino con valores e principios de economía social e solidaria en Galicia a través de formación con perspectiva de xénero, apoio individual e colectivo e conexión de experiencias emprendedoras a nivel local.