• SANTIAGO DE COMPOSTELA CAPITAL ESPAÑOLA DA ECONOMÍA SOCIAL
  • UNINOVA
  • BIO POLO SIONLLA
  • AXENDA URBANA 2030 SANTIAGO DE COMPOSTELA

O alcalde salienta a importancia do PMUS na definición da mobilidade do Santiago do futuro

A elaboración do PMUS "é un proceso moi complexo, pero que debe supor unha transformación e unha mellora moi substancial na calidade de vida da cidadanía", salientou o rexedor compostelán que engadiu que "será unha peza fundamental do modelo de cidade da próxima década".

O alcalde reúnese cos propietarios das parcelas nas que se ubicará a plataforma de mercadorías, para explicarlle o proceso de expropiación e pago dos terreos

Na reunión explicáronlle aos veciños e veciñas que, unha vez que reciban a notificación, teñen un mes para presentar un escrito de alegacións. Nese escrito de alegacións teñen que manifestar o que consideren con relación ao prezo que se lle ofrece polas parcelas; o número de metros cadrados das súas fincas; e se como consecuencia da expropiación queda algún pequeno resto da parcela que podería ser antieconómico, solicitar a expropiación total, é dicir, de toda a finca.

Aprobado inicialmente o plan especial que permitirá implantar a plataforma loxística de mercadorías na parcela de equipamento institucional IA-8 de Mallou

A responsable da sección de Planeamento do Concello, a arquitecta Esther Sánchez Espiñeira, explicou que o vixente Plan xeral de ordenación municipal (PXOM) delimita, na zona de Mallou-Meixonfrío, o ámbito do "Sistema xeral de equipamento institucional (é dicir, de utilidade pública xeral para a cidade) administrativo IA-8, localizado na confluencia da avenida do Cruceiro da Coruña coa Avenida de Asturias. Estes terreos ocupan unha superficie total de 11.550 metros cadrados, e inclúense, coa clasificación de "Solo urbanizable delimitado" no ámbito do SUD-1 (Mallou).

UNINOVA celebrou un novo Consello no que se presentou o proxecto da plataforma loxística de distribución de mercadorías no casco histórico

Segundo explicou o alcalde de Santiago tras a xuntanza, o Consello acordou "as condicións para que UNINOVA poida facerse cargo da xestión e da elaboración do proxecto da plataforma loxística de distribución de mercadorías destinado ao casco histórico". Deste xeito, o rexedor confirmou que "está previsto que Uninova se convirta nunha entidade colaboradora do Concello e asuma a posta en marcha da Oficina Técnica para este proxecto".