O primeiro encontro, centrado na temática Territorio, paisaxe e biodiversidade, tomou como exemplo a experiencia de 7H Cooperativa Cultural, representada por Clara Cordeiro. Os seus proxectos xiran en torno á dinamización territorial a través da arte, poñendo ofoco na importancia do cumunitario, no apego ao territorio e nos procesos. Para ilustrar as iniciativas desenvoltas por esta cooperativa, Clara Cordeiro explicou diferentes proxectos levados a cabo como o de Mutacións urbanas, Elas tamén pintan ou Utópicas: arte e territorio.

O Consorcio de Santiago iniciou nos últimos días as obras de conservación e mellora da eficiencia enerxética da fachada leste do Pazo de Raxoi, un proxecto que buscará mellorar as condicións de habitabilidade do edificio que acolle o Concello, a Xunta de Galicia e o Consello da Cultura Galega. Farase a través da renovación de carpinterías e saneado da fachada que dá á praza do Obradoiro.

A Xunta de Goberno Local deu luz verde esta semana á adxudicación dun contrato á empresa AYTOS SOLUCIONES INFORMÁTICAS SL por un importe total de 129.808,80 € para a subministración e implantación dunha solución web integrada para a xestión de facturas e a aplicación de xestión contable do Concello de Santiago, que serán ubicadas nun único servidor.

Esta iniciativa ofrecerá un total de 10 encontros -un por mes- na sé da do Mercado Galego da Creatividade (na rúa Calderería). Clara Cordeiro, integrante de 7H Cooperativa Cultural, será a protagonista desta primeira xornada, na que partillará coas persoas asistentes a experiencia derivada dos proxectos desenvoltos arredor da dinamización rural e urbana a través da arte e do diálogo comunitario.

Nesta primeira toma de contacto entre a recén nomeada María Pais e o rexedor, fíxose un repaso por algúns dos temas prioritarios para reforzar o tecido empresarial da cidade. Durante o encontro, o alcalde reiterou o seu compromiso para acadar unha simplificación administrativa na xestión de licenzas e outros trámites e para seguir avanzando na mellora de infraestruturas estratéxicas como o Orbitaliño ou a Estación Intermodal e dos servizos públicos como a xestión da auga ou o transporte público.

Esta convocatoria, que ten un 50% máis de orzamento que a realizada en 2022, foi aprobada na xuntanza do Consello de Administración do Consorcio do pasado 16 de decembro, sendo o cuarto incremento consecutivo destas axudas para un programa que se vén realizando anualmente nos últimos sete anos tras as primeiras convocatorias de 2006, 2009, 2012 e 2013.

Ter é Manter

O programa beneficia tanto a propietarios, a arrendatarios ou a titulares dalgún dereito de uso sobre o inmoble así como comunidades de propietarios.

O Pleno do Concello deu luz verde á aprobación definitiva da modificación puntual do título III do PXOM de regulación de usos, entre eles, as vivendas de uso turístico ou VUT. A proposta contou co respaldo do Grupo Municipal Socialista e de Compostela Aberta, O BNG e o concelleiro non adscrito abstivéronse; e o Grupo Popular votou en contra.

No acto salientouse que en breve sairá a licitación a obra do primeiro tramo da Vía Verde ao seu paso polo concello de Santiago. A Deputación da Coruña levará a cabo as actuacións de contratación, execución e dirección das devanditas obras, que contan cun orzamento para ese primeiro tramo de preto de 800.000 euros; 500.000 euros achegados polo ente provincial, e 300.000, polo Concello.

Tras a súa publicación no día de hoxe no Boletín Oficial do Estado, o Concello de Santiago abrirá a partir de mañá, 14 de febreiro, o prazo de solicitude para participar na convocatoria de 59 prazas de persoal funcionario de carreira das escalas de Administración xeral (31) e de Administración especial (25), así como tres prazas de persoal laboral fixo. Estas novas prazas así como as do proceso de estabilización e a próxima convocatoria de promoción internas, suman un total de 222 prazas.