• SANTIAGO DE COMPOSTELA CAPITAL ESPAÑOLA DA ECONOMÍA SOCIAL
  • UNINOVA
  • BIO POLO SIONLLA
  • AXENDA URBANA 2030 SANTIAGO DE COMPOSTELA

Encuentro Maker Faire Galicia 2023

En estas Jornadas de la industria habrá referentes tanto nacionales como internacionales en los ámbitos de la educación STEAM (Science, Technology, Engineering, Arts y Mathematics), la inteligencia artificial, el arte, los videojuegos, la biotecnología, la energía, la divulgación científica o la innovación inclusiva.

En el marco del desarrollo del ecosistema empresarial, la simbiosis entre empresa-startup o empresa-makers supone para las compañías una oportunidad para aprender, innovar, crecer y ser más sostenibles.

O Maker Faire Galicia 2022 presentará un programa híbrido na súa oitava edición, que terá lugar entre o 1 ao 5 de xuño

A Cidade de Cultura acollerá entre o 1 e o 5 de xuño este evento no que participarán arredor de 200 makers con máis de 60 proxectos, e terán lugar máis de 40 obradoiros, tanto en liña como en formato presencial. Esta edición achegará o que pode ser o mundo 5.0, que ten que ver sobre todo coa sustentabilidade do planeta e o benestar das persoas. Así, algunhas das temáticas deste ano serán o emprendemento consciente, a saúde mental, a economía social, as tecnoloxías accesibles ou a innovación social.

Xa está aquí a 8ª edición da Maker Faire Galicia!!!

Este ano a  Maker  Faire Galicia dá a benvida ao mundo híbrido do 1 ao 5 de xuño, tanto no Museo  Gaiás da Cidade da Cultura como na nosa plataforma en liña, nunha edición onde queremos celebrar o reencontro de toda a Comunidade  Maker.

Tras o peche do  Call  for  Makers o pasado xoves 31 de marzo, podémosvos adiantar que para esta edición teremos máis de 60 proxectos de diferentes partes do mundo, moi diversos e cun nivel altísimo. 

O Concello de Santiago e a Xunta de Galicia avanzan na ampliación do polígono da Sionlla

O alcalde de Santiago acudiu ao encontro cunha proposta para ampliar o polígono industrial da Sionlla a través do Solo Urbanizable Non Delimitado (SUND) 29, que conta cunha superficie de 40,75 hectáreas. Proximamente reuniranse os técnicos municipais e os do Instituto Galego de Vivenda e Solo para poñer en marcha o proxecto.

O alcalde de Santiago destaca a aposta do Concello pola investigación, durante a inauguración de "BioGalicia Summit"

"BioGalicia Summit" desenvólvese dentro das actividades do proxecto BioIncubaTech, a Incubadora de Alta Tecnoloxía promovida pola USC, a Cámara de comercio de Santiago de Compostela e UNINOVA, e financiada polo Fondo Europeo de Desenvolvemento Rexional (FEDER) a través da Fundación INCYDE das Cámaras de Comercio españolas.

Formalizada a cesión a Sionlla Biotech da parcela para a construción do Biopolo

Co acto celebrado hoxe formalízase a cesión da parcela denominada CSIEB, con forma de triángulo obtusángulo redondeado no vértice sur. Destinada a equipamento e de natureza demanial (ben de dominio público), conta con 10.233 metros cadrados de superficie e 3.000 metros cadrados de edificabilidade máxima. O seu valor catastral é de 90.943,61 euros.

O alcalde e a conselleira de Medio Ambiente, Territorio e Vivenda constatan a boa marcha do polígono da Sionlla

O rexedor amosouse moi satisfeito coa marcha do polígono, con preto de 50 licenzas outorgadas polo concello. "Hoxe mesmo se deron dúas na Xunta de Goberno", unha tónica nas últimas xuntanzas do executivo local, que está concedendo "unha ou dúas cada luns". Sánchez Bugallo indicou que "quedan 47 parcelas dispoñibles para seguir medrando", e puxo en valor un polígono que, unha vez que conte con todas as conexións "será excepcional, aínda que xa o é".

A VI Maker Faire Galicia, na que colabora o Concello, será online e contará cunha xornada destinada en exclusiva á educación

O evento celebrarase do 18 ao 22 de novembro a través dunha plataforma que integrará un Museo Gaiás Virtual. Contará con dúas xornadas profesionais, que se desenvolverán os días 18 e 19 de novembro, e que estarán organizadas por sectores, poñendo en valor aqueles onde Galicia ten un gran potencial como son a alimentación, saúde, aeronáutica, automoción, enerxía e téxtil.

O alcalde salienta o compromiso do Concello cos cinco puntos recollidos no acordo do Foro Cívico

O alcalde de Santiago, Xosé Sánchez Bugallo, amosou o "compromiso total e absoluto" do Concello de Santiago cos cinco puntos que recolle o Acordo do Foro Cívico asinado na Cámara de Comercio compostelá en maio de 2019; a industrialización, a intermodal, a EDAR, a mellora das conexións e infraestruturas, e a modernización da administración local.

Concello e Deputación apostan pola biotecnoloxía e a madeira como industrias para o desenvolvemento e a estabilidade económica na cidade

Na visita a FINSA puideron coñecer en detalle as instalacións e a actividade da madeireira, acompañados por directivos e membros do comité executivo da compañía. Xa no Centro Empresarial do Tambre, foron informados das actuacións da asociación en relación ao Polo de Innovación e Biotecnoloxía e outras cuestións relevantes para o contexto económico da área.