O V Pacto Local polo Emprego toma o relevo do aprobado en 2015 e que estivo vixente ata 2020, "nun contexto no que aínda non sabiamos da pandemia que había mudar os paradigmas, tamén do mercado laboral".
O Talentia Summit´23 centrarase no futuro do traballo e o rol determinante da intelixencia artificial e doutras tecnoloxías emerxentes, nun formato híbrido que facilitará que as persoas participantes se beneficien das vantaxes das modalidades presencial e dixital. O evento será unha gran plataforma para o desenvolvemento profesional, grazas ás 15.000 prazas gratuitas en conferencias, obradoiros e cursos de formación online e presenciais.
O programa Appventurers combina a formación co traballo, de maneira que o alumnado recibe formación ao tempo que está contratado para realizar un traballo real. En concreto, os mozos e mozas participantes desenvolverán aplicacións móbiles de realidade aumentada sobre o Museo do Pobo Galego, a Praza de Abastos e a senda peonil do Sar. O obxectivo é utilizar estas solucións tecnolóxicas innovadoras para mellorar e enriquecer a experiencia das persoas que visitan eses tres puntos, ofrecendo unha capa de información adicional que axuda a comprender mellor eses lugares.
O encontro, celebrado na sede da Ásociación Área Empresarial do Tambre, está organizado por Inserta Empleo, a consultoría de Recursos Humanos da Fundación ONCE. Esta xornada enmárcase nunha serie de econtros organizados nas principais cidades galegas e do Estado, co obxecto de visibilizar e difundir os talentos infinitos, e a constatación de que a inclusión social e laboral das persoas con discapacidade aporta beneficios ás empresas.
Para o cálculo deste indicador en concreto, utilízanse valores medios anuais a partir dun modelo que combina os datos da Enquisa de Poboación Activa (EPA) e do paro rexistrado, segundo as cifras do SEPE, o Servizo Público de Emprego Estatal. En 2022, Santiago de Compostela rexistrou unha taxa de paro dun 9,1%. A lista non inclúe ningunha outra cidade galega. Encabezándoa, en primeiro lugar está o municipio de San Cugat del Vallès, na provincia de Barcelona, cun 5,2% de desemprego.
A concelleira de Persoal, Contratación e Modernización da Administración Local, Marta Abal, acompañada polo director da Área de Recursos Humanos, Juan Porrúa Pardal, anunciou esta mañá en rolda de prensa a inminente convocatoria de 59 prazas de persoal funcionario de carreira das escalas de Administración xeral (31) e de Administración especial (25), así como tres prazas de persoal laboral fixo. Estas novas prazas así como as do proceso de estabilización e a próxima convocatoria de promoción internas, suman un total de 222 prazas.
Nun acto de recoñecemento á labor de visibilización e inserción social que están a facer os centros especiais de emprego, o alcalde puxo en valor o traballo que se está a facer desde Raxoi en favor da inclusión reservando diferentes actuacións a este tipo de empresas pois, ademais de "dar visibilidade á capacidade das persoas que teñen algún tipo de discapacidade", son empresas que deron boa conta da súa fortaleza durante a crisis de 2008 e a raíz da pandemia cunha maior "capacidade de supervivencia á doutro tipo de empresas".
Na apertura do foro, o rexedor compostelán lembrou o xérmolo do actual Talentia, a Feira de Empego, nacida hai xa 10 anos pero que nos últimos tres, xa baixo a marca actual, experimentou unha importante mudanza "cunha aposta decidida pola innovación e o talento". E ampliou o radio de acción: de ser un evento centrado en Santiago pasou a converterse nunha feira de referencia no ámbito galego e no nacional. "Só o 10% dos participantes nas últimas edición foron de Compostela", engadiu.
Obrigatoriedade do uso de máscara, mantemento da distancia interpersoal e hixiene de mans.
- Grupos de máximo 5 persoas. Limítanse os grupos para o desenvolvemento de calquera actividade ou evento familiar ou social en espazos públicos ou privados aos constituídos exclusivamente por persoas conviventes.
- CERIMONIAS NUPCIAIS E OUTRAS CELEBRACIÓNS RELIXIOSAS OU CIVÍS • Ao aire libre: 50 persoas
• Espazos pechados: 25 persoas
O evento celebrarase do 18 ao 22 de novembro a través dunha plataforma que integrará un Museo Gaiás Virtual. Contará con dúas xornadas profesionais, que se desenvolverán os días 18 e 19 de novembro, e que estarán organizadas por sectores, poñendo en valor aqueles onde Galicia ten un gran potencial como son a alimentación, saúde, aeronáutica, automoción, enerxía e téxtil.