• SANTIAGO DE COMPOSTELA CAPITAL ESPAÑOLA DA ECONOMÍA SOCIAL
  • UNINOVA
  • BIO POLO SIONLLA
  • AXENDA URBANA 2030 SANTIAGO DE COMPOSTELA

UNINOVA colabora coa Fundación Innovación Bankinter nunha nova edición do Programa de Innovación AKADEMIA para alumnado da USC

Uninova, a incubadora de empresas do Concello de Santiago e da USC, está a colaborar, un ano máis, coa Fundación Innovación Bankinter no Programa de Innovación AKADEMIA para alumnos da Universidade de Santiago de Compostela, un programa de innovación en liña e gratuíto.

Este Programa, creado no ano 2008 pola Fundación Innovación Bankinter para influír na educación dos mozos e dotalos de coñecementos que esperten actitudes e os motiven a asumir o reto que supón enfrontarse a un contorno en constante cambio, vense organizando para alumnos da USC desde o ano 2009.

Xornada de presentación da licitación para o desenvolvemento e adquisición de solucións innovadoras con UAVs do Polo Aeroespacial de Galicia

O vindeiro venres, 13 de maio, a partir das 10:00 horas, a Axencia Galega de Innovación celebra unha xornada técnica de presentación da nova licitación do Polo Aeroespacial de Galicia coa que a Xunta incorporará novas solucións con vehículos non tripulados para a mellora da prestación do servizos públicos.

O alcalde marca como obxectivos no debate do estado do municipio continuar traballando, a pesar da crise, pola igualdade, na diversificación do tecido económico e na aposta pola innovación e o emprendemento

Sánchez Bugallo comezou a súa intervención trasladando o pésame e a solidariedade dos membros da Corporación coas familias, amigos e compañeiros dos composteláns e compostelás falecidos a consecuencia da COVID 19, pandemia que obrigou o Concello a "dar resposta ás necesidades máis perentorias da sociedade, e fíxoo actuando en tres eixos fundamentais: apoio ás persoas en situación máis vulnerable; apoio decidido aos sectores económicos máis gravemente afectados; e mantemento dos servizos públicos en circunstancias moi diferentes ás que viñan sendo habituais".

UNINOVA celebrou un novo Consello no que se presentou o proxecto da plataforma loxística de distribución de mercadorías no casco histórico

Segundo explicou o alcalde de Santiago tras a xuntanza, o Consello acordou "as condicións para que UNINOVA poida facerse cargo da xestión e da elaboración do proxecto da plataforma loxística de distribución de mercadorías destinado ao casco histórico". Deste xeito, o rexedor confirmou que "está previsto que Uninova se convirta nunha entidade colaboradora do Concello e asuma a posta en marcha da Oficina Técnica para este proxecto".

Xa está aquí a 8ª edición da Maker Faire Galicia!!!

Este ano a  Maker  Faire Galicia dá a benvida ao mundo híbrido do 1 ao 5 de xuño, tanto no Museo  Gaiás da Cidade da Cultura como na nosa plataforma en liña, nunha edición onde queremos celebrar o reencontro de toda a Comunidade  Maker.

Tras o peche do  Call  for  Makers o pasado xoves 31 de marzo, podémosvos adiantar que para esta edición teremos máis de 60 proxectos de diferentes partes do mundo, moi diversos e cun nivel altísimo. 

O alcalde de Santiago destaca a aposta do Concello pola investigación, durante a inauguración de "BioGalicia Summit"

"BioGalicia Summit" desenvólvese dentro das actividades do proxecto BioIncubaTech, a Incubadora de Alta Tecnoloxía promovida pola USC, a Cámara de comercio de Santiago de Compostela e UNINOVA, e financiada polo Fondo Europeo de Desenvolvemento Rexional (FEDER) a través da Fundación INCYDE das Cámaras de Comercio españolas.

Talentia Summit abre o prazo de inscrición para todas as actividades de formación e emprego

Esta semana abriuse o prazo de inscrición para todas as actividades de Talentia Summit. A maior feira do talento e o emprego do Estado presenta unha oferta formativa meirande que nas anteriores edicións e con múltiples candidaturas para vacantes de emprego. A procedencia das solicitudes é maioritariamente de Galicia, como indicou o técnico de Emprego, Xavier Ferreiro (Santiago, 2113; A Coruña, 1448; Vigo, 1297), pero tamén "de Madrid, 2041, ou de Barcelona, 308".

O claustro do Pazo de Fonseca acolleu a III Feira de Emprendedoras adicada ás universitarias

Os días 29 e 30 de outubro celébrouse a Feira expositiva coa presentación de empresas dirixidas por emprendedoras da comarca de Compostela. Estivo aberta ao público no Claustro de Fonseca co fin de visibilizar os produtos e servizos creados por entidades innovadoras e que achegan un valor engadido no Concello de Santiago.

Formalizada a cesión a Sionlla Biotech da parcela para a construción do Biopolo

Co acto celebrado hoxe formalízase a cesión da parcela denominada CSIEB, con forma de triángulo obtusángulo redondeado no vértice sur. Destinada a equipamento e de natureza demanial (ben de dominio público), conta con 10.233 metros cadrados de superficie e 3.000 metros cadrados de edificabilidade máxima. O seu valor catastral é de 90.943,61 euros.

Preséntase a segunda edición de Compostela Somos Cultura, que ten como obxectivos apoiar o sector e incentivar o consumo de produtos culturais a nivel local

Nesta segunda edición están participando case 50 artistas, con accións puntuais en diversos espazos de Santiago. Desde o 10 de outubro véñense realizando distintas gravacións que agora se editarán para lanzar nas redes sociais. Son, segundo sinalou a concelleira de Acción Cultural, "como anuncios" promocionais de Compostela, Até o de agora graváronse cinco das sete intervencións culturais programadas, todas elas de diferentes disciplinas artísticas. Está previsto, segundo informou Xacobe Martínez, que se comecen a publicar en internet na última semana de outubro.