• SANTIAGO DE COMPOSTELA CAPITAL ESPAÑOLA DA ECONOMÍA SOCIAL
  • UNINOVA
  • BIO POLO SIONLLA
  • AXENDA URBANA 2030 SANTIAGO DE COMPOSTELA

Edición Verán. VII concurso Municipal de Escaparatismo

Na edición de verán premiaranse tres comercios, que recibirán campañas publicitarias por valores superiores aos 5.000 euros para o primeiro clasificado, aos 2.000 euros para o segundo, e aos 1.500 para o terceiro. O xurado, no que se integran asociacións de comerciantes, consumidores e expertos na materia, valora especialmente a orixinalidade, ambientación e eficacia da mensaxe publicitaria atendendo ás condicións dos establecementos.

Xornada de presentación do proxecto ANATOLE

Promovido pola Asociación de Cámaras Agrarias do Arco Atlántico, o Proxecto Anatole é unha iniciativa transnacional para promover o intercambio de experiencias, a aprendizaxe intercultural, a formación e a conformación de redes no ámbito do desenvolvemento de mercados de proximidade para o sector primario. Os seus obxectivos son:
  • Traballar na adopción de políticas e estratexias que favorezan o desenvolvemento da economía de proximidade.

Eficiencia enerxética. A aposta europea pola eficiencia enerxética, a competitividade e o emprego.

Eficiencia enerxética. A aposta europea pola eficiencia enerxética, a competitividade e o emprego, estaba dirixida a profesionais, persoal técnico, estudantes, empresas e entidades públicas interesadas nas novas políticas e na xestión e normativa sobre eficiencia enerxética. Nesta xornada abordouse a necesidade de superar o modelo enerxético actual, o impacto ambiental das medidas previstas no contexto europeo, as oportunidades empresariais que conlevan (está considerado un novo xacemento de emprego) e o marco legal no que se aplicarán.

Convocatoria de ideas para Macc 2010, o Mercado Atlántico de Creación Contemporánea

Entre o 10 e 0 12 de setembro celébrase en Santiago de Compostela o Mercado Atlántico de Creación Contemporánea. As persoas interesadas en participar, teñen que envíar a idea (máximo 2 páxinas con título, resumo e exposición) e un breve curriculum (1 páxina con datos persoais e traxectoria profesional) ao correo electrónico inscripciones@maccatlantic.org, antes do 30 de xuño.

Obradoiro de formación: Competencias transversais clave nos programas de formación e emprego

Este obradoiro conta con 30 prazas, divididas en dous grupos de 15 persoas. Un deles formarase o día 15 de xuño pola tarde, e o outro o 16 de xuño, en horario de mañá. Celebrarase no Centro Sociocultural de O Castiñeiriño. Organizado pola Concellaría de Promoción Económica e Emprego, e cofinanciado polo Fondo Social Europeo, enmárcase no Pacto Local polo Emprego de Santiago de Compostela e nel colabora REDEL, a Rede de Entidades para o Desenvolvemento Local.

Axudas para a creación de novas empresas Compostela Activa 2010

Cada proxecto empresarial pode percibir como máximo 3.000 euros, con independencia do número de beneficiarios que o compoñan. A contía da axuda poderá acadar ata o 100% dos gastos subvencionabeis, é dicir, os considerados como correntes  e de primeiro estabelecemento realizados entre o 1 de xaneiro e o 30 de xuño de 2010 nos seguintes conceptos: existencias iniciais de mercadorías, custes de arrendamento de locais e/ou equipos, primas de seguros, abastecementos e gastos correntes e gastos de constitución da sociedade.

19 de maio. Xornada Guía para as persoas coidadoras

Este evento enmárcase no proxecto Coidadores Familiares, do programa europeo Leonardo da Vinci, que ten como obxectivo establecer un protocolo común a nivel comunitario que acredite profesionalmente aos/ás coidadores/as familiares que, de xeito informal, estiveron coidando a outra persoa.Unha acreditación profesional común a toda a Unión Europea facilitará a incorporación ao mercado laboral dun colectivo con expectativas de inserción difícil, no que a maioría de integrantes son mulleres, moitas delas maiores.

Axudas para a creación de novas empresas Compostela Activa 2010

Cada proxecto empresarial pode percibir como máximo 3.000 euros, con independencia do número de beneficiarios que o compoñan. A contía da axuda poderá acadar ata o 100% dos gastos subvencionabeis, é dicir, os considerados como correntes  e de primeiro estabelecemento realizados entre o 1 de xaneiro e o 30 de xuño de 2010 nos seguintes conceptos: existencias iniciais de mercadorías, custes de arrendamento de locais e/ou equipos, primas de seguros, abastecementos e gastos correntes e gastos de constitución da sociedade.
Suscribirse a